في وسط زحمة الحياة، في فترة امتحانات، مذاكرة و مشاكل بالجملة
احتاجيت لحد يديني push يشجعني يقوللي متستسلميش للصعاب ، يقوللي كوني قوية و انسي الخوف
فجا تامر فبالي، وقمت سمعت صوته، غنالي حاجات كثيرة، و قال "قولو لا
للخوف، قولو لا لليأس"، قال "تيجو نود بعض"، قال "بحبك يا امي".......
فلقيت شريط بيعدي قدام عنيا ، شريط لحاجات كثيرة عشتها السنة دي ، سنة
2009 اللي كانت بالنسبة ليا سنة مختلفة ، مميزة فلقيت نفسي بكتب عن احاسيس
اول مرة تطلع من قلبي و تترجم لكلام و ده اللي طلع معايا:
زي كل الناس ، انا حصل في حياتي اني قابلت ناس غريبة
،ناس تتظاهر انها بتحبك و عند اول مشكلة تديك ظهرها فاكتشفت ان الدنيا مش
كلها احلام وردية، باختصار انها ملهاش امان و الثقة مش مطلوبة حتى فاقرب
الناس ليك
و حصل كمان اني دورت على حاجة قالولي ان اسمها الطيبة و ملاقيتهاش فاقتنعت انها مش موجودة اصلا
كلو بيقولك خليك ايجابي ، و انا بقول اوك بس ازاي؟؟؟؟ محدش اداني اجابة عن سؤالي
ظهر تامر حسني فجأة فحياتي و شد انتباهي و ابقى كذابة لو قلت ان اغانيه اللي شدتني و انما اللي لفت نظري كان اقوى من الغنى بكثير
ففضلت فترة كبيرة متابعة، متأملة بشوف وباستغرب
لقيته بيعمل حاجات كثيرة ، حاجات لو انا مكانه مكانتش حتيجي فبالي، عمل من
نفسه حاجات ما كانش مضطر انه يعملها و بالخصوص انها حاجات متعبة مش سهلة،
حاجات بتطلب مجهود كبير ، صبر، عزيمة و ارادة قوية
فطلعت بالنتيجة دي:
"كلنا عارفين ان النصائح حلوة ،و جميل ان يبقى فيه حد ينصحك بس انا اكتشفت
ان الاجمل لما الواحد يستخلص النصيحة دي لوحده ، و ان الاشد تاثيرا ان
يكون عندك مثل اعلى و قدوة يوجهك و يدفعك تعمل حاجات من غير ما يقولك اعمل
كذا و كذا"
و احساس رائع لما تشوف و تحس الطيبة و الحنية في قلب حد حتى لو الشخص ده مش عارفك
احساس جميل لما تلاقي نفسك بتقول انا عايز ابقى زي فلان
و شعور رائع لما تلاقي الامان و تبقى مش عايز حاجة من الدنيا غير ان ربنا يكون راضي عنك
احساس حلو لما تلاقي نفسك بتقول انا حاعمل خير عشان خاطر ربنا ، مش حاكسر
بخاطر اي حد عشان خاطر ربنا ، حبتسم في وش كل الناس عشان خاطر ربنا
حدعي بالخير لكل الناس ، حادعي في كل صلاة ان ربنا يشفي كل مريض، ان ربنا يوفق الجميع، ا ن اي حد بيحلم بحاجة ربنا يحققهالو
حركز في شغلي عشان العمل عبادة
هي سعادة متتوصفش بكلام
هي طمأنينة تساوي كنوز الدنيا كلها
هي احاسيس جميلة عشتها بعد ما عرفت تامر
لقيت الدعم و القوة اللي كنت محتجاها و الفضل لربنا و كمان لانسان ده
و لا حلاوة اي كلمة تتقال ممكن تسلوي حلاوة احساس كل واحد فينا من ساعة ما
حب تامر، هي فرحة و سعادة باننا بنحب حد يستاهل الاهتمام ، حد تفرح لفرحه
و تحزن لحزنه ، حد بتحس انه بيتعب عشان الخير، بيحارب عشان يعمل الصح، حد
عنده مبادئ و اخلاق مستحيل حيتنازل عنها مهما كانت الظروف ، حد ثقتك فيه
كبيرة لما تسمع حد قاله عنه انه عمل كذا و كذا تعرف من نفسك لو هو فعلا
عملها و لا لاء من غير متسال او من غير من تشك فيه و لو لثانية
هي دي خلاصة سنة 2009 بالنسبة ليا، السنة اللي عرفت فيها تامر حسني، السنة
اللي فهمت فيها الدنيا صح و اللي شفت فيها الحياة من الناحية الصح
فبحمد ربنا انه حط فطريقي الانسان ده، بحمد ربنا انه عرفني بيه و اني عشت احاسيس مكنتش اعرفها
بحمد ربنا ان مش كل الناس بتخدع بعضها
بحمد ربنا ان مش كل الناس بتكره بعضها و مش كل الناس بتتمنى السوء لغيرها
و مش مهم اني مقابلتش تامر،مش مهم اني مكلمتوش عشان انا متاكده اني حتى لو
قابلته مش حاعرف اقوله على كل ده و لو مهما شكرت فيه مش حاقدر اوفيه حقه
بس الاهم اني اقدر ادعي ربنا انه يوفق كل الناس اللي نيتها حلوة و اللي بتسعى لاي حاجة فيها خير
بدعي ربنا انه يقدرنا كلنا اننا نمشي في نفس الطريق و يحط في قلوبنا الحنية و الطيبة اللي حطها في قلب الانسان ده
بدعي ربنا انه يهدينا كلنا و يرحمنا برحمته