بسم الله الرحمن الرحيم
ميت مسا
خلال المده اللى قضتها فى الشكاوى الفتره الاخيره
لاحظت ان فيه كذا موضوع الاعضاء مش بتخرج عنه
مواضيع معينه دايما يأما أستفسار فيها
أو شكوى منها
فانا هسلها عليكم علشان محدش يسأل تانى
لاحظت ان فيه كذا موضوع الاعضاء مش بتخرج عنه
مواضيع معينه دايما يأما أستفسار فيها
أو شكوى منها
فانا هسلها عليكم علشان محدش يسأل تانى
النقطه الاولى
أســتايل اللافرز
احنا عندنا 3 استايلات
كلهم تحت هيدر " قرب كمان "
واللى معظم او كل الاعضاء تقريبا طالبين تغيروا
ودا فعلا فى مخططات الاداره الفتره الجايه
اننا هنغير الاستايل والهيدر خصوصا
بعد الالبوم ان شاء الله
لان الفتره دى كلنا مضغوطين جدا
سواء بسبب الضغط علشان فتره الالبوم
أو السيرفر اللى بنحاول نريحه
أو طبعا مشاكل كل سنه وقت الالبوم
الناس اللى بتدخل تحاول تقطع فى تامر
بعد الالبوم هيكون فيه تغير ان شاء الله
النقطه التانيه
السيرفر
السيرفر تقيل . . السيرفر بطىء
الاعضاء بتزيد عايزين نقفل التسجيل . . الخ من الكلام المتداول حول الموضوع دا
احنا عددنا كبير فعلا وكل يوم بنزيد
لكن مش معنى كدا اننا واقفين على السيرفر اللى كان معانا من شهرين او شهر
بالعكس كل فتره مع ازدياد الاعضاء بنحاول نكبر السيرفر او نريحه
علشان يستوعبنا كلنا
يعنى مش بنبخل عليكم بحاجه
بالعكس احنا بنعمل اقصى طاقتنا اننا نريح الاعضاء
طلب قبل كدا غلق التسجيل
وقولنا منقدرش نحجر على حد انه ميدخلش للفنان اللى بيحبه
ومنقدرش نقوله لا اتفرج بس ومتشاركش
ولو بكلمه هو نفسه يقولها
دى كانت وجهه نظرنا واللى هنفضل عليها
فمسأله السيرفر هيكون ليها حل سريع
ان شاء الله
النقطه التالته
الالبوم
هينزل امتى . . أتغير وقته ليه . . دا قالى معايا الالبوم
ودا قالى تامر بيقول الالبوم نازل وقت كذا . . الخ
طبعا متابعين كلنا ان ميعاد الالبوم بيتغير
والحمدلله لينا دايما وابدا السبق فى اننا وضعنا ميعاد الالبوم
وكل تفاصيله
الفتره دى بتبقى فتره صعبه على شركه الانتاج
خوصا فى حاله الوفاه اللى حصلت لمحسن جابر
ورغم كدا اعلانات الالبوم نزلت والبرومو بتاعوا سمعناه
ولان تامر هو سوبر ستار بتاع شركه الانتاج
فهى دايما حريصه انها تنزل الالبوم فى احسن وأنسب وقت
فمتقلقوش الالبوم نازل خلال الشهر دا ان شاء الله
واخر ميعاد اتحدد ليه اخر الشهر
وقسم الاخبار دايما دقيقه بدقيقه بيتابع معاكم كل شىء عن الالبوم
ندخل على الشكاوى
قبل ما تنزل شكوى لازم تتأكد من حاجات معينه 1 -2 - 3 . . الخ
1- قوانين السايت . . قوانين الاقسام
لازم تقرا القوانين كويس قبل ما تنزل موضوع
علشان متجيش تقول دا اتحذف ليه
وكل مواضيعى بتتحذف
انا فى وقت مكنتش اعرف القوانين واتحذف مواضيع ليا
لحد ما عرفت انى لازم افهم قوانين المكان اللى انا فيه
علشان اقدر اتعامل معاه أفيده ويفيدنى
والقسم دا هيساعدك تعرف كل قوانين السايت والاقسام
Here
2- اتأكد ان موضوعك مش مكرر
لأن أغلب المحذوفات بيبقى الموضوع مكرر
ودا تقدر تتأكد منه من هنا
Here
3- بعد ما اتأكدت وعرفت قوانين السايت كويس وان موضوع مش مكرر
تأكد من حاجه مهمه جدا ان اقسام كتير مينفعش فيها المنقول
انك تنقل توبيك من مكان تجيبه هنا
لاننا بنشجع دايما على الابداع .
4- لو لقيت نفسك سليم من حيث القوانين
ولقيت ان المشرف ظلمك
أبعت للمشرف رساله خاصه الاول استفسر فيها
عن الشكوى بتاعتك وشوف رده عليك هيكون ايه ؟
لو رده اقنعك وطلعت غلطان يبقى وفرت على نفسك وعلينا
توبيك فى الشكاوى فى ملفك الشخصى
لو لقيت رده مش مقنع أو مردش عليك
دلوقتى تقدر تنزل شكوتك
واتأكد مليون فيه الميه ان حقك هيرجعلك
وفوقيه مليون بوسه
النقطه الخامسه
5/ المواضيع المخالفه
اعضاء كتير مشكوره بتشارك معانا
انها بتبلغنا عن المواضيع المخالفه
بدخل التوبيك الاقى اللينك لو محدش اتصرف
بنقدر نتصرف بسرعه
لكن احيانا بدخل مواضيع الاقى فيها
" الحقوا واحد منزل موضوع بيشتم فيه أو فيه اعلانات أو مخالف "
من غير ما يحط فى التوبيك اللينك
طب انا اتصرف ازاى
لازم تجيب اللينك وتحطه فى الموضوع اللى فى الشكوى بتاعتك
او هنسميها البلاغ اللى منزله علشان نقدر نتصرف بسرعه
النقطه السادسه
6/موضوع الرسايل
عندك رساله مش عارف تقراها
ليه ؟!
لان مشاركاتك لازم تعدى 100 مشاركه
تكون اكتر من 100 مشاركه
علشان تقدر تبعت أو تقرأ الرسايل
النقطه السابعه
اضافه قسم معين
طبعا احنا شايفين ان لكل مطرب مميز قسم خاص بيه
ودى كان سبق لينا على مستوى الفانز كلها
لكن احيانا بنشوف طلبات اننا نضع قسم معين
دايما بيعتمد اننا نضيف قسم
على مدى اقبال العضو على الاهتمام بمتابعه اخبار وصور وميديا المطرب
هتقولى دا بنعرفوا ازاى
من القسم العام
لما بنلاقى ان القسم العام دايما فيه سبوت على مطرب معين
والناس متابعاه بطريقه كبيره
بيتعمل ليه قسم
زى ما حصل وأتعمل أقسام جديده منها تامر عاشور
وبردوا بنراعى اننا نريح السيرفر
وميبقاش عليه ضغط كبير
وكل ما يكون متاح احنا بنلبى اقتراحتكم دايما
طبعا احنا شايفين ان لكل مطرب مميز قسم خاص بيه
ودى كان سبق لينا على مستوى الفانز كلها
لكن احيانا بنشوف طلبات اننا نضع قسم معين
دايما بيعتمد اننا نضيف قسم
على مدى اقبال العضو على الاهتمام بمتابعه اخبار وصور وميديا المطرب
هتقولى دا بنعرفوا ازاى
من القسم العام
لما بنلاقى ان القسم العام دايما فيه سبوت على مطرب معين
والناس متابعاه بطريقه كبيره
بيتعمل ليه قسم
زى ما حصل وأتعمل أقسام جديده منها تامر عاشور
وبردوا بنراعى اننا نريح السيرفر
وميبقاش عليه ضغط كبير
وكل ما يكون متاح احنا بنلبى اقتراحتكم دايما
تقريبا هو دا كل اللى بيدور فى الشكاوى الفتره دى
لو انا نسيت حاجه تقدروا تشاركوا بيها هنا
علشان العضو يبقى سهل عليه
أنه يستفيد من الموضوع
تعديل :
الهيدر الجديد أتركب بأسم الالبوم
الالبوم هينزل أخر كلام يوم 29/6/2009
السيرفر بقى شغال تمام
الالبوم هينزل أخر كلام يوم 29/6/2009
السيرفر بقى شغال تمام
يلا سلامو عليكو