فيلم تامر الجديد مش هادخله .. معقولة يا تيمورية ؟!

فكرة الفيلم الجديد عالجها
مشرفنا المتألق وائل robirto
بكلام فوق المنطقي وعلى مستوى جميييل
أوي من العقل .. بجد يا وائل عايزة أهنيك على
الكلام اللي قولتو وأشكرك عليه عشان أنا عن نفسي
عجبني أوي أوي أوي وكان عندي تعليق كبير عليه
وعلى بعض الردود اللي لفتت نظري اللي جات على
التوبيك بتاعك .. كان ممكن أحطها في رد
بس كان نفسي كل زوار القسم وكل التيمورية
يسمعوا وجهو نطري عشان كدا قولت أنزلها في توبيك


اقتباس:

للاسف اللى شفته ده يخليني اقول حاجة واحده بس
احنا مش ملايكة تامر
ملايكة تامر متتمناش لتامر الفشل
ايه اللى جرالكم
بقينا نستني لتامر اى حاجة عشان نطلعلها عيوب
فين التيمورية بتوع زمان
اللى كانوا بيخافوا عليه وبيحبوا اللى بيحب تامر واللى بيشتغله معاه
للدرجاتى اتغيرنا 180 درجة
انا كواحد من جمهور تامر معترض على مريهان
بس مش لدرجة انى اتدخل فى شغله
واقوله هات ده وروح ده
احنا اكبر من كدة واعقل من كدة
ياريت
نشوف الفيلم وبعدين نحكم عليه

وأخيرا ... تفاءلوا بالخير تجدوه !




كان نفسي أقرا الكلام دا من زمان ..


أول ما قريت الردود على التوبيك

بتاع خبر الفيلم حسيت بحزن كبير ..

حزن على كل اللي ادهولنا تامر

وبردو مش عارفين نوثق فيه ..

كل سهر الليلاي اللي سهرو

عشان يقدملنا أحلى الأعمال

التي ترفع من إسمنا قودام أي حد

نقوله احنا جمهور تامر حسني

وبردو مش عارفين نوثق بدماغو ..

مش عارفين نقولو


اعمل اللي انتى عايزو واحنا معاك ..


واثقين بيك وعايزين اللي انت عايزو

مش عارفين نقولو


بنحب اللي انت بتحبو


مش عارفين نقولو


احنا وكلناك انك تمتعنا


ومتأكدين انك هتنجح زي كل مرة ..

بجد زعلت أوي أما قريت العبارة دي



اقتباس:
" لو مريهان بطلة مش هادخل الفيلم "



هو احنا داخلين الفيلم عشان ميرهان

ولا عشان تامر ؟؟!


مش واثقين إن تامر قد المغامرات ؟ ولا ايه ؟؟



تامر الإنسان اللي عايز يطلع


كل حد عندو موهبة فوق ..
ابتدى ب كريم محسن ..

وخلاه يشاركو في معظم الألبوم بتاعو ..

أول ما سمعنا بإسم كريم محسن ..

أول ما قرينا اسم كريم محسن بيلحن معظم

أغاني تامر في ألبومه الجديد ..

أول ما سمعنا اسم تامر بيقترن باسم كريم محسن

خفنا كتير .. وقولنا يا تامر غلك انك تربط إسمك

باسم موهوب لسا طالع جديد ..

غلط انك تخاطر بمكانك عشان موهوب جديد ..

وحكمنا ما كانش في محلو ..


كريم كان إضافة جديدة في شغل تامر ..



كريم كان ليه بصمة حلوة في ألبوم تامر ..

قلبنا كان على تامر .. بس لو شغلنا عقلنا شوية
كنا هنعرف إن تامر أي قرار بياخدو ..

تامر بيفكر مرة ومرتين ومليون قبل أي قرار بياخدو ..

تامر عمرو ما تسرع في قرار ..

تامر قادر يعمل من العمل الضعيف عمل قوي وناجح ..

وأكبر دليل على دا عمرو وسلمى اللي اكتسح

الإيرادات لسنين عديدية حتى في جزءو تاني

رغم ان قصة عمر وسلمى مش قصة غير اعتيادية

بس تامر المتألق خلاها مش زي أي قصة وخلاص ..

خلاها اسم لنجاح كبير .. وتألق كبير ..

ليه ندمرلو نجاحو لتامر من قبل ما يبتدي أصلا ..

ليه نحطملو معنوياتو نخليه مش عارف يقدم كل اللي

ليه من قدرة على إثبات نفسو ..

هو جا جزاءو عشان حابب يقدملنا حاجة جديدة

ووجوه جديدة مش وجوه شوفناها كتي ومعاه بالتحديد ..

زي زينا وماي اللي احنا بنطالب بيهم ..

يا جماعة جاه الوقت اننا نوثق بتامر ..



اقتباس:
الحب .. الحب .. الحب



كفايه حب ،، الدنيا فيها مليون قصه تتحكي وتتجسد في فيلم




دا تعليق بردو كان على لسان أعضاء كتيرة ..

هقولهم .. ليه نسيتو ان كابتن هيما

بيتكلم عن حكاية شاب فقير

وبيعالج مشكلتو مع المجتمع اللي رافض

انو بكونلو منصب ومكانة مهمة فيه رغم إنو متعلم ..

طب وليه نسيتو مسألة التوافق بين

الديانتين المسلمة والمسيحية اللي تامر زكرها في

كابتن هيما بردو ..!!

وليه نسيتو مشكلة تعاطي المخدرات اللي بيعاني منها

الشباب في فيلم حالة حب .. ومشاكل الشباب

اللي بيهاجرو وبيسيبو وطنهم

وتلاقيهم بيتدمرو بعيد عن وطنهم .. نسيتو كل دا ؟؟

طب مهو الحب لازم يجي في كل خطوة في الحياة

بص لنفسك تلاقي مهما كانت عندك مشاكل

مهما في أزمات إجتماعية لسا في حب في كل حتة

تلاقيك حبيت حد بيساندك في أزمتك ..

تلاقيك حبيت قلب حنين يغيرك ..

وأفلام تامر معظمها بتقوم على الأساس دا ..

الحب مش كل حاجة بيتكلم فيها تامر ..

وإيه المشكلة انو بناقش الحب لوحدو المرة دي ..

عايزين فرح في حياتنا .. عايزين حاجة تفرحنا

ما عدناش عايزين نسمع عن مآسي

في النهاية عايزة أقول ..

لو لا سمح الله .. الفيلم كان ضعيف بشكل ما

مش احنا بردو ملايكة تامر اللي هتكبر قيمة

الفيلم في عنين الناس ولا نقولهم سيبكم منو

واوعى حد يخشو وندمر تامر ؟!

احنا قادرين ننجحو رغم ضعفوا

قادرين نكبر تامر .. تامر الإنسان اللي معرض للغلط

واحنا اللي سندو .. واللي جمبو في المحن قبل النجاح


اقتباس:
وافتكروا كلكم أن الجمهور الأصيل
هو اللى بيقف جنب تامر وقت الشدة
ومش وقت الاحتفالات و الانتصارات


في النهاية الفيلم احتمال بتغير عنوانو ..

لسا الخبر ما تأكدش ..

انا مش بتكلم عن الفيلم بس

انا بتكلم عن مبدأ وموقف جاه غلط مننا

احنا التيمورية ..
لازم نبقى زي غيرنا مع حبيبنا للنهاية ..

ومهما عمل نجبر الناس تقول إنو حلو ..

من خلال نظرتنا المتفائلة الحلوة ليه ..

وان شاء الله خير

وأخيرا كلامي دا مش هيجي حاجة جنب


اللي قالو وائل بس كان نفسي يوصل